Sunnudagsgleði 🙂

Fór á árshátíð í gær og mikið gaman 🙂
Dagurinn í dag er svona þið vitið „við viljum sukkmat“
Því er nú bara svarað með gleði 🙂

Græjaði blómkálsbotn og lék mér með álegg.
Svo ótrúlega gaman að finna upp á einhverju nýju nammi í hvert sinn sem svona pizza er gerð.
En held svei mér þá að þetta sé min uppáhalds….alveg með þetta!
Hér er uppskrift af svona pizza botni 🙂
https://lifsstillsolveigar.com/2015/05/01/pizza-pizza-pizza-blomkalspizza/
Nema ég var bara með helminginn í þessum botni.
Þessi uppskrift sem er í linknum er fyrir tvo.
Svo með því að helminga magnið þá er maður komin með pizzu fyrir aleina 🙂
Ég var nefnilega ein að stússa þetta í sunnudagshádegi.
Breytti aðeins uppskriftinni.
Því mig langaði svo í eitthvað sterkt og bragðmikið.
Svo ég notaði kryddið í botninn í þetta sinn….Maldon salt, pipar og Heitt pizza krydd frá Pottagöldrum……sjúklega gott og hressandi krydd 🙂
Síðan var ég búin að baka rauðlauk í ofni ….tekur svona 30-40 min.
Bakaður rauðlaukur er hrein alsæla í svona rétti.
Verður djúsí og sætur 🙂
Áleggið var semsagt.
Stappað avacado smurt á bakaðann botninn
Rauð paprika þunn skorin
Litlir kirsuberja tómatar
Bakaður rauðlaukur
Smá gráðaostur
Pekan hnetur saxaðar
Mozarella ostu rifin yfir
Og bakað 🙂

Svo truflað gott mæli með að prufa og finna sitt uppáhalds álegg 🙂
Sleppa gráðaosti og nota geitaost í staðin…..camenbert er líka góður.
Bara njóta þess sem að maður vill 🙂